🔴 ट्रम्पको इरानबारे कडा चेतावनी

सामाजिक सञ्जाल ‘ट्रुथ सोसल’मा पोस्ट गर्दै ट्रम्पले इरानलाई वार्ताको टेबलमा ल्याउन अमेरिका प्रयासरत रहेको भन्ने रिपोर्टलाई ‘फेक न्युज’ भन्दै अस्वीकार गरेका छन्।

ट्रम्पले होर्मुज जलघाँटीमा अमेरिकाको लगभग पूर्ण नियन्त्रण रहेको र इरानको अर्थतन्त्र कमजोर हुँदै गएको दाबी गर्दै आफू अहिलेको अवस्थाबाट सन्तुष्ट रहेको बताएका छन्।

यसअघि होर्मुज क्षेत्रनजिक इरानी ठेगानामा भएको अमेरिकी आक्रमणको पनि ट्रम्पले बचाउ गरेका थिए। इरानले भने उक्त आक्रमणमा सर्वसाधारण उपस्थित रहेको स्थानलाई निशाना बनाइएको आरोप लगाएको छ।

इरानी अधिकारीका अनुसार आक्रमणमा ५ जनाको मृत्यु भएको र ६० भन्दा बढी घाइते भएका छन्।