काठमाडौं — राष्ट्रिय स्वतन्त्र पार्टी (रास्वपा) को सचिवालय बैठक आइतबारदेखि पार्टी केन्द्रीय कार्यालय वनस्थलीमा सुरु भएको छ।
पार्टीका प्रवक्ता मनिष झाले बैठक प्रारम्भ भएको जानकारी दिँदै संगठनात्मक तथा नीतिगत विषयमा केन्द्रित रहेर छलफल हुने बताएका छन्।
बैठकमा स्थानीय तह निर्वाचनका लागि उम्मेदवार छनोटसम्बन्धी रूपरेखा २०८३, आगामी महाधिवेशनका लागि कार्यविधि २०८३ तथा संसदीय दलको विधान संशोधनसँग सम्बन्धित विषयहरूलाई मुख्य एजेन्डाका रूपमा राखिएको जनाइएको छ।
रास्वपाले आगामी राजनीतिक कार्यक्रम, संगठन सुदृढीकरण र निर्वाचन तयारीलाई ध्यानमा राख्दै यी विषयमा निर्णय लिने अपेक्षा गरिएको छ।
