काठमाडौँ । पोखरा महानगरपालिका ले फेवाताल आसपासमा अवैध रूपमा निर्माण गरिएका टहरा भत्काउने अभियान सुरु गरेको छ।
महानगरपालिकाले शनिबार बिहान करिब ३:३० बजेदेखि डोजर प्रयोग गरेर ताल किनारका टहरा हटाउन थालेको हो। बिहानसम्ममा मात्रै दुई दर्जनभन्दा बढी टहरा भत्काइसकिएको महानगरले जनाएको छ।
ताल क्षेत्रको संरक्षण र बढ्दो अतिक्रमण नियन्त्रण गर्ने उद्देश्यले अभियान सञ्चालन गरिएको हो। पछिल्लो समय फेवाताल वरिपरि अव्यवस्थित रूपमा टहरा तथा अन्य संरचना निर्माण बढ्दै गएपछि महानगरपालिकाले हटाउने कार्यलाई तीव्रता दिएको जनाएको छ।
महानगरका अनुसार यस्तो अभियान आगामी दिनमा पनि निरन्तर जारी रहनेछ, जसबाट फेवातालको प्राकृतिक सौन्दर्य जोगाउनुका साथै दीर्घकालीन संरक्षणमा सहयोग पुग्ने अपेक्षा गरिएको छ।
