चीन–पाकिस्तानको पाँच बुँदे प्रस्ताव: मध्यपूर्वमा शान्ति पहल

बेइजिङ । वाङ यी र इशाक दारबीच मंगलबार चीनको बेइजिङमा भएको भेटवार्तामा मध्यपूर्वको अवस्थाबारे समीक्षा गर्दै द्वन्द्व समाधानका लागि पाँच बुँदे प्रस्ताव सार्वजनिक गरिएको छ। दुवै देशले तत्काल युद्धविराम, द्वन्द्व विस्तार रोक्ने प्रयास र प्रभावित क्षेत्रमा मानवीय सहायता पुर्‍याउन आह्वान गरेका छन्। साथै, इरान र खाडी राष्ट्रहरूको सार्वभौमसत्ता र सुरक्षाको सम्मान गर्दै शीघ्र शान्ति वार्ता सुरु गर्नुपर्नेमा जोड दिइएको छ। नागरिक र गैर–सैन्य संरचनामाथि आक्रमण रोक्दै अन्तर्राष्ट्रिय मानवीय कानुनको पालना गर्न आग्रह गरिएको छ भने ऊर्जा, पानी तथा आणविक पूर्वाधारको सुरक्षा सुनिश्चित गर्नुपर्ने उल्लेख गरिएको छ। त्यसैगरी, होर्मुज जलडमरूममार्गको सुरक्षा र निर्बाध आवागमन कायम गर्न आवश्यक रहेको जनाइएको छ। दुवै देशले संयुक्त राष्ट्र संघको भूमिकालाई सुदृढ बनाउँदै बहुपक्षीयतामार्फत दिगो शान्तिका लागि अन्तर्राष्ट्रिय सहमति आवश्यक रहेकोमा पनि जोड दिएका छन्।