चितवन। रत्ननगर नगरपालिका–९ निपनीमा आज ट्याङ्करले स्कुटरलाई ठक्कर दिँदा एक जनाको मृत्यु भएको छ। मृत्यु हुनेमा भरतपुर महानगरपालिका–७ की करिब ३५ वर्षीया मीना रेग्मी रहेका छन्।
जिल्ला प्रहरी कार्यालयका प्रहरी निरीक्षक दिपक रिजालका अनुसार, खैरहनीतर्फबाट भरतपुरतर्फ आउँदै गरेको लु२ख २८९४ नम्बरको ट्याङ्करले भित्री सडकबाट निस्किँदै गरेको ना५५प ०७७ नम्बरको स्कुटरलाई ठक्कर दिएको थियो। ठक्करबाट स्कुटरको पछाडि सवार रेग्मीको मृत्यु भएको हो।
सो ट्याङ्करले रोकिराखेको ना६५प ७८८३, ना५५प ८०८३ नम्बरको मोटरसाइकल र एक साइकललाई समेत ठक्कर दिएको प्रहरीले जनाएको छ। स्कुटर चालक भरतपुर महानगरपालिका–७ का पूर्ण सापकोटा सामान्य घाइते भएका छन्। प्रहरीले राप्ती नगरपालिका–७ का २४ वर्षीय सुजन तामाङलाई नियन्त्रणमा लिएको छ।
