आज २१ फेब्रुअरी लाई अन्तर्राष्ट्रिय मातृभाषा दिवस को रूपमा विश्वभर मनाइँदैछ। यो दिवस भाषिक र सांस्कृतिक विविधता तथा बहुभाषिकता प्रवद्र्धन गर्ने उद्देश्यले मनाइन्छ।
यस दिवसको स्थापना युनाइटेड नेशन्स शैक्षिक, वैज्ञानिक तथा सांस्कृतिक संगठन (युनेस्को) ले सन् १९९९ नोभेम्बर १७ मा निर्णय गरेपछि सन् २००० देखि हरेक वर्ष २१ फेब्रुअरीमा मनाउन थालिएको हो।
यो दिन भाषिक विविधता र सांस्कृतिक समझदारी को महत्त्वलाई स्थापित गर्न र बोल्ने, सिक्ने र लेख्ने सबै भाषा अधिकारहरूको संरक्षण गर्न प्रेरित गर्ने प्रमुख मञ्च बनेको छ।
यसै अवसरमा नेपाल लगायत विश्वका विभिन्न देशमा भाषिक विविधता, मातृभाषामा शिक्षा, सांस्कृतिक कार्यक्रम र बहुभाषिकता सम्बद्ध गतिविधिहरू आयोजना गरिएका छन्।
अन्तर्राष्ट्रिय मातृभाषा दिवसले भाषाहरूलाई मात्र होइन, भाषाशैली, संस्कार तथा सांस्कृतिक पहिचानलाई सुरक्षित गर्ने महत्त्वपूर्ण प्रयासको रूपमा मान्यता पाएको छ।