पशुपतिनाथमा प्रहरीमाथि कुटपिट गर्ने युवक पक्राउ

पशुपतिनाथ क्षेत्रमा महाशिवरात्रीको अवसरमा प्रहरीमाथि कुटपिट गर्ने भिडियो भाइरल भएपछि प्रहरीले आरोपी युवकलाई पक्राउ गरेको छ। काठमाडौं प्रहरी परिसरका प्रमुख एसएसपी रमेश थापाका अनुसार पक्राउ परेका युवक २५ वर्षीय रिजन श्रेष्ठ हुन्, जो मकवानपुर ठुलदमार स्थायी घर भएका र हाल काठमाडौं महानगरपालिका-१३ बस्छन्। काठमाडौं प्रहरी परिसरले भिडियो सार्वजनिक भएपछि नागरिकलाई सूचना जारी गरी अनुसन्धान सहयोगको लागि आह्वान गरेको थियो। प्रहरीका अनुसार श्रेष्ठमाथि थप अनुसन्धान जारी छ।