नवलपरासीमा बुहारीलाई जिउँदै जलाउने प्रयास, सासू पक्राउ

नवलपरासीमा आफ्नै बुहारीलाई जिउँदै जलाएर हत्या गर्ने प्रयास गरेको आरोपमा सासू पक्राउ परेकी छन्। पश्चिम नवलपरासीको रामग्राम नगरपालिका–१७ पट्खौलीकी ५० वर्षीया कमली देवी हरिजनलाई बुहारी शर्मिला हरिजनको जाहेरीका आधारमा प्रहरीले नियन्त्रणमा लिएको हो। शर्मिलाले शनिबार राति मट्टितेल खन्याएर आगो लगाउने प्रयास भएको दाबी गरेकी छन्। घटनास्थलमा केही लत्ताकपडा जलेको भेटिए पनि शर्मिलाको शरीरमा चोटपटक नदेखिएको प्रहरीले जनाएको छ। घटनाबारे अनुसन्धान भइरहेको छ भने अन्य आरोपित विष्णु र गजेन्द्र हरिजन फरार छन्।